naa MANDIR mein naa MASJID mein>> Main to bas......

Moh ko kahaan dhoondhe re bande,

Main to tere paas re;

naa Mandir mein naa Masjid mein,

naa koi Niwaas mein,

palat palat ke itihaas ke panne-

dhoondh rahe ho ghar mera,

bhoole shaayad baat, yeh tumne,

aatank mein nahin dhera mera!!!

naa main Jap mein naa main Rath mein,

naa hoon main Aazaan mein,

us rote hue bachche mein hoon main,

main to hoon us aawaaz mein;

nahin ilm mujhe apne hi thikaane kaa,

naa hi jaanoon wajah- is anban, is fasaad ke fasaane kaa,

naa baaton hisson mein mujh ko,

hoti hai ghutan is mein,

khuli fizaa ka aadi hoon main,

shaayad baagh, bageecha, school, hospital?

shaayad phir lagta -yehi hai mera mahal!!!!

pragati path pe hoon main,

main to aman vishwaas mein!!!!

Sriky